Next ChapterNext Chapter isဆိုတာ

ကျွန်တော်တို့ ယုံကြည်တာတစ်ခုရှိပါတယ်။ပညာရပ်တစ်ခုက စာတွေဖတ်၊ သင်တန်းတွေတက်၊ Certificate တွေစုဆောင်းနေရုံနဲ့ မပြီးသင့်ပါဘူး။သင်ယူလိုက်တဲ့ ပညာရပ်တစ်ခုဟာ ကိုယ့်ရဲ့အလုပ်မှာ၊ စီးပွားရေးမှာ၊ နေ့စဉ်ဘဝမှာ တကယ်အသုံးဝင်လာဖို့ လိုပါတယ်။

ဒီယုံကြည်ချက်ကနေ စတင်ခဲ့တာက Next Chapter ပါ။ကျွန်တော်တို့က သမားရိုးကျ သင်ကြားရေးပုံစံတွေနဲ့ မတူတဲ့ Learning Experience တစ်ခုကို ဖန်တီးချင်ပါတယ်။သင်ယူရတာ ပျော်ဖို့ကောင်းမယ်၊ လက်တွေ့လုပ်ကြည့်ခွင့်ရှိမယ်၊ ကိုယ့်ရဲ့အနာဂတ်ကို ကိုယ်တိုင်တည်ဆောက်နိုင်ဖို့ အထောက်အကူဖြစ်မယ်။

ဒါဟာ Next Chapter ရဲ့ အဓိကရည်ရွယ်ချက်ပါပဲ။

မင်္ဂလာပါ။Next Chapter ကို စတင်တည်ထောင်ခဲ့တဲ့ ကိုနေ (Ko Nay) ပါ။ကျွန်တော့်ရဲ့အကြောင်းကို နည်းနည်းပြောပြချင်ပါတယ်။

ကျွန်တော်က ဆေးတက္ကသိုလ်ကနေ ပညာသင်ကြားမှုကို ရပ်နားခဲ့ပြီး စင်ကာပူနိုင်ငံရှိ Semiconductor Manufacturing Industry အပါအဝင် Industry မျိုးစုံ၊ Company မျိုးစုံ၊ Project မျိုးစုံမှာ (၉) နှစ်ကျော် လုပ်ကိုင်ခွင့်ရခဲ့တယ်။အဲဒီထဲမှာ Singapore City Gas, SSMC နဲ့ GlobalFoundries လို Company တွေအထိပါဝင်လုပ်ကိုင်ခဲ့ပါတယ်။မြန်မာနိုင်ငံပြန်ရောက်ချိန်မှာလည်း Puma Energy အပါအဝင် Holding Company တစ်ခုမှာ Project Management ပိုင်းကို ဦးဆောင်ခဲ့ပြီး Real Estate, Land Development, Hotel & Resort Development စတဲ့ Project တွေနဲ့လည်း ထိတွေ့လုပ်ကိုင်ခဲ့ပါတယ်။

အောင်မြင်တဲ့ ရာထူးနဲ့ ဝင်ငွေရှိပေမဲ့ ကိုယ့်အချိန်ကို ကိုယ်တိုင်စီမံပြီး ကိုယ့်ရဲ့ Skills နဲ့ ရှင်သန်နိုင်မယ့် “Freedom” ကို ပိုတန်ဖိုးထားတဲ့အတွက် Full-time Career ကနေ ထွက်ပြီး ကိုယ်ပိုင်လမ်းကြောင်းသစ်ကို စွန့်စားရွေးချယ်ခဲ့တာ ဖြစ်ပါတယ်။

Full-Time အလုပ်ကနေ ထွက်ပြီးနောက် Dubai အခြေစိုက် ကုမ္ပဏီတစ်ခုမှာ Remote အဖွဲ့သား (၁၅) ယောက်ကို ဦးဆောင်ကာ Marketing နဲ့ Operations တွေကို စီမံခန့်ခွဲခဲ့ပါတယ်။ဒီကာလဟာ အလုပ် Workflow ထဲ AI Tools တွေကို လက်တွေ့စတင် အသုံးချဖြစ်ခဲ့တဲ့ အရေးကြီးတဲ့ အချိုးအကွေ့တစ်ခု ဖြစ်ခဲ့ပါတယ်။လူအများကြီးနဲ့ အချိန်ယူလုပ်ရတဲ့ လုပ်ငန်းတွေကို AI နဲ့ ပိုမိုမြန်ဆန်၊ ထိရောက်အောင် ပြောင်းလဲနိုင်ခဲ့ရာကနေ AI ဟာ အနာဂတ်တစ်ခုတည်း မဟုတ်ဘဲ အခုကတည်းက ကျွန်တော်တို့ရဲ့ အလုပ်လုပ်ပုံနဲ့ စီးပွားရေးတွေကို တကယ် ပြောင်းလဲနေပြီဆိုတာ သဘောပေါက်ခဲ့ပါတယ်။

ဒါကြောင့် AI နည်းပညာတွေကို စဉ်ဆက်မပြတ် စမ်းသပ်လေ့လာရင်း အလုပ်ထဲမှာ အသုံးချလို့ အဆင်ပြေတဲ့ နည်းလမ်းတွေကို YouTube နဲ့ Facebook ကတစ်ဆင့် ပြန်လည်မျှဝေရာကနေ Next Chapter ရဲ့ ပထမဆုံး ခြေလှမ်း စတင်ဖြစ်တည်လာခဲ့တာ ဖြစ်ပါတယ်။

ဒီနေ့မှာတော့ ကျွန်တော်ဟာ သမားရိုးကျ 9-to-5 ဝန်ထမ်းဘဝကနေ အပြီးတိုင် ထွက်ခွာခဲ့ပါပြီ။Online Business၊ Digital Content၊ Monetization နဲ့ Training Activities တွေကတစ်ဆင့် ဝင်ငွေက Full-Time Salary နဲ့ နှိုင်းယှဉ်ရင် ဝင်ငွေ (၃) ဆကျော်အထိ တိုးတက်လာခဲ့ပါတယ်။ဒါပေမဲ့ ကျွန်တော့်အတွက် အကြီးမားဆုံး အောင်မြင်မှုက ဝင်ငွေတိုးလာတာတစ်ခုတည်း မဟုတ်ပါဘူး။

ကိုယ့်အချိန်ကို ကိုယ်တိုင်စီမံခန့်ခွဲနိုင်လာတာ၊ ကိုယ်တကယ်ယုံကြည်တဲ့ အရာတွေကို ဖန်တီးတည်ဆောက်နိုင်လာတာနဲ့ ကိုယ်သိထားတဲ့ အတွေ့အကြုံတွေကို အခြားသူတွေအတွက် ပြန်လည်မျှဝေပေးနိုင်လာတာပါ။ဒါကြောင့် YouTube Channel မှာလည်း ကိုယ်တိုင်လေ့လာထားတာတွေ၊ စမ်းသပ်မှုတွေ၊ မှားခဲ့ဖူးတဲ့ သင်ခန်းစာတွေနဲ့ တကယ်အလုပ်ဖြစ်ခဲ့တဲ့ နည်းလမ်းတွေကို အတတ်နိုင်ဆုံး ပွင့်ပွင့်လင်းလင်း ပြန်လည်မျှဝေပေးနေပါတယ်။လူတိုင်း အလုပ်ထွက်ပြီး ကိုယ်ပိုင်စီးပွားရေးလုပ်ဖို့ မလိုအပ်ပေမဲ့၊ လူတိုင်းမှာ ကိုယ့်ရဲ့ Skills တွေကို တိုးတက်အောင်လုပ်ပြီး ရွေးချယ်စရာလမ်းကြောင်းတွေ ပိုမိုဖန်တီးနိုင်တဲ့ အခွင့်အရေး အပြည့်အဝ ရှိသင့်တယ်လို့ ယုံကြည်ပါတယ်။

Next Chapter အစပိုင်းမှာ ကျွန်တော်တစ်ယောက်တည်း Content တွေဖန်တီး၊ လေ့လာ၊ လက်တွေ့စမ်းသပ်ရင်း ဖြတ်သန်းခဲ့ရတာပါ။ဒါပေမဲ့ ဒီခရီးတစ်လျှောက်မှာ ကိုယ့်လိုပဲ တစ်ခုခုကို တကယ်တည်ဆောက်ချင်တဲ့ မိတ်ဆွေတွေနဲ့ စတင်ဆုံတွေ့လာခဲ့ပါတယ်။ပထမဆုံးအနေနဲ့ ကျွန်တော့်ရဲ့ ပရိသတ်တစ်ယောက်လည်းဖြစ်၊ မိတ်ဆွေကောင်းတစ်ယောက်လည်းဖြစ်တဲ့ ကျော်ကျော် (Kyaw Kyaw) နဲ့ စတင်လက်တွဲဖြစ်ခဲ့ပြီး Next Chapter ရဲ့ Co-Founder & Technical Lead အဖြစ် နည်းပညာပိုင်းဆိုင်ရာ အခြေခံတွေကို အတူတူ စတင်တည်ဆောက်ခဲ့ကြပါတယ်။

အဲဒီနောက် Video Editing ကနေတစ်ဆင့် Operations နဲ့ Administrative Functions တွေမှာပါအရည်အချင်းရှိတဲ့ စည်သူ (Si Thu)၊ Finance Structure နဲ့ စနစ်ကျတဲ့ Administrative Systems တွေ ဖြစ်လာအောင် သေချာကိုင်တွယ်ပေးတဲ့ ပုလဲ (Pale) တို့ အသီးသီး ပါဝင်လာခဲ့ပါတယ်။အဖွဲ့အစည်း ပိုမိုကျစ်လျစ်အားကောင်းလာတာနဲ့အမျှ Customer Support နဲ့ Operations ပိုင်းမှာ အားဖြည့်ပေးမယ့် Khin Khin နဲ့ Gabriel တို့ပါ ထပ်မံလက်တွဲလာခဲ့ကြပါတယ်။ဒီလိုနဲ့ မတူညီတဲ့ နောက်ခံအတွေ့အကြုံ၊ ကျွမ်းကျင်မှုတွေနဲ့ ဖွဲ့စည်းထားပေမဲ့ “အမြဲသင်ယူ၊ အတူတူဖန်တီး၊ အတူတူတိုးတက်မယ်” ဆိုတဲ့ Mindset နဲ့ ရှေ့ဆက်နေတဲ့ Next Chapter Core Team အဖြစ် အောင်မြင်စွာ စတင်ရှင်သန်ကြီးထွားလာခဲ့တာ ဖြစ်ပါတယ်။

လူတော်တော်များများဟာ သင်တန်းတွေ အများကြီးတက်ကြတယ်၊ Video Tutorials တွေ ကြည့်ပြီး Knowledge တွေ စုဆောင်းကြပေမဲ့ တကယ်လက်တွေ့လုပ်ကြည့်ဖို့ အချိန်ရောက်တဲ့အခါ ဘယ်ကစရမလဲ မသိဘဲ ရပ်တန့်သွားတတ်ကြတာကို ကျွန်တော်တို့ သတိထားမိခဲ့ပါတယ်။Next Chapter မှာတော့ အဲဒီလိုမျိုး လုံးဝ မဖြစ်စေချင်ပါဘူး။ဒါကြောင့် ကျွန်တော်တို့ရဲ့ Online Bootcamp တွေကို “Learn by Doing” ပုံစံနဲ့ စနစ်တကျ ဖန်တီးထားပါတယ်။

Trainer က သီအိုရီသင်ပေးရုံတင်မဟုတ်ဘဲ လက်တွေ့ Workflow တစ်ခုလုံးကို ချပြမယ်၊ ပြီးရင် တက်ရောက်သူတွေကလည်း လက်တွေ့ ကိုယ်တိုင် လိုက်လုပ်ကြည့်ရမှာ ဖြစ်ပါတယ်။AI & Digital Skills၊ YouTube Content Creation၊ Solopreneurship နဲ့ Online Business Operations စတဲ့ နယ်ပယ်တွေကို သင်ကြားတဲ့အခါမှာလည်း AI ကို သီးခြားဘာသာရပ်တစ်ခုအဖြစ် သဘောမထားပါဘူး။နေ့စဉ် လုပ်ငန်းခွင်ထဲ အသုံးချနိုင်မယ့် AI-Assisted Workflow တွေကို သင်ခန်းစာတိုင်းမှာ လက်တွေ့ထည့်သွင်း ပေါင်းစပ်ပေးထားတာကြောင့် Bootcamp ပြီးသွားတဲ့အခါ Knowledge တွေ သိသွားရုံသက်သက် မဟုတ်ဘဲ၊ ကိုယ်တိုင် လက်တွေ့တစ်ခုခုကို ချက်ချင်း စတင်ဖန်တီး အကောင်အထည်ဖော်နိုင်သွားစေဖို့ အာမခံပါတယ်။